‘Skeena’- Mashraqi Te Maghrabi Tehzeeb di Awaz

‘Skeena – the Voice of eastern and western civilization’
By Fouzia Hanif
Researcher
Lahore, Pakistan
Punjabi in Roman

Rab sohney ne aes jag nu wan swaney te man mohney rangaan nal sjaya te ehna rangaan nal khaiden lai manukh nu aes dunia te bhajia. Jad manukh ney aes jag te akal te Shaur dian manzalan taey keetian taan ohney jo kuj dunia wich waparda wakhia uhnu apney kalam te akhraan raheen kagaz te ulaikia taan je smaaj di islah ho sakey. Aeh kalam te akhraan nal khaiden waley manukh hi likhari sadaey. Eahna likharian wichon ik na sadey Punjab di dharti di dhi da aey jehda na Fauzia Rafique aey. Ohna adab di dunia wich bey-shumaar kam keetay. Ohna da majuda kam jehra manzrey aam te aya aey o novel “Skeena” aey.

Pakistani zananian dey likhey gaey Punjabi novelan wichon Kahkashan Malik horaan dey novel ‘Chikar Rangi Murti’ tun baad meri nazar wich eh Pakistani novel nigar zanani da ik nidar te bebak tahreer te mabni novel aey. Jehra Punjabi novel nu ban-ul-akwami padhar de novelaan wich shamal karda aey.

Jadon main eh novel parhya taan mera ji keeta ke main ahdey barey kuj likhan. Aes novel nu pahli wari parh ke inj japia jivain Skeena ne hudkushi kar laye aey taan manu bohat mayusi hoe. kunje Skeena da kirdar jis taran bayania gia aey o ik dlair te nidar kurri da kirdar aey, ohnu hudkushi nahi karni chahidi si. Baad wich merey te aey haqiqat ashqar hoe je o te budhmat mazhab de nazriay de mutabiq soch rahi si ‘Meri koe Tawarikh nahi’. Kunje Budhmat Mazhab da ik groh dhian wich jan lai aey akhar bolda aey. Jadon main jania ke Skeena zinda aey taan maino changa laga.

Aes novel de plot, kirdar, mukalamey, nazria te mahol ya manzarkashi barey gal keeti javey taan novel da plot mazboot bunyadaan te usria nazar anda aey. Ahdey sarey kirdar apni apni thaan bharpur andaz nal byaney gae ney. Par Skeena te Jeeno da kirdar ajehyan zananian nu wakhanda aey jihrian okraan wich wi apney haqaan lai lardian nazar andian ney. Novel dey mukalme barey gal keeti javey te Skeena de mukalme barrey jandar ne kunje o niki omar tun hi amrani shaur rakhdi si ohda aey mukalama mulahza howey jihdey wich o apni maan ji nu sawal puchdi nazar andi aey:
“pishley mahenay tuseen Amman Zainab nu akhiya si ke ‘purey pind wichon teri nu sab tun wad fasal liyandi pai aey, te Maan Jee, tusin Gamu nu ap puchia si ke ‘Jeeno ney taenu puter nahi dita?’ te Maan Jee Jeeno mehfoz aslon nahi, ——–”

Aes novel wich nazriati paehlu wi kabley deed ney. Ahdey wich siyasi, muashrati, jagirdari atey khas toar te mazhabi paehlu bohat jandar te khubsurat andaz nal bayania gia aey. Pae kis traan mazhab da galat istmaal kar ke zanani da istahsal keeta ja reha aey. Novel wich aey gal bohat wazia aey jo kuj muashra kisey bunde nu dainda aey, ohda radeamal zaroor sahmne anda aey. Fauzia Rafique horaan ne manzarkushi wi dadhi changi keeti jivain ke novel dey aes paragraph tun zahir hunda aey:
“Thandi wa meray mukh te khilar jandi aey, chann akhan nu hanarey de dhongey part wakhanda, khulian asmana te lejanda aey. Haithaan anabi patraan ala Japani mapal, chandi varge safaidian te totey rangian soyan aley chiran nal khalota aey. Asman saf kala shisha, wich jurey sunehri tarey. va da ik bula koasa avey, ek thanda.
“Aj gharon bahar nikalan di raat aey.”

Novel wich kidhrey kidhrey jhol wi nazar anda aey. Jivain Skeena ik zaheen, mutjasus te amrani shaur rakhan wali zanani si te ohda Gamu nu na syanana, uchey mathey waley nojwan da nuro dey bhara wangar lagna, Joynie te Maggi de kirdaraan da Skeena di Khala te Saeen Jee nal mawazna karna kuj jachia nahi. Aes novel nu parh ke qari de andar shaur de kaee part khulde ney jihrey ohnu thaley dityaan gian galaan barey soch vachar karan te majboor karde ney:
– Manafqat tun bachna
– Mazhab da bharpur mutalaa karna te mazhab da sahee istamaal
– Siyasi nazam di islah
– Zananian de Khiyalat te nazriat nu haqeeqi mania wich samjan di loarr
– Maan pu da dhian de war lubhan lagian munde barey puri taraan janch partaal karna

Novel wich kuj ajehyaan galaan wi ney jihriyan ikhlakyat de hawaley nal changian nahi. Jevain Skeena da choti omar tun hi apney bhra nu sharab pinda wakh ke sharab peena, bhang peena, raat nu apni Maan Jee te bhra tun luk ke ghar tun bahir jana te Iqbal Singh urf Gamu nal gair kanooni taaluqat wagara. Aehna sarian galaan nu sada muashra tey aseen kadi pasand nahi karaan gey par gal aey way ke jadon muashrey wich tohade apney beja pabandian laan yaan tuhade tajasus nu daban yaan tohade wastey ajehey halat bana dain jivain Skeena dey ghar wale Ihtasham da Skeena nal rawaya wi zahir karda aey. Taan koi banda kis had taak ja sakda aey, Aye gal Skeena raheen sadey sahmney andi aey.

Mukdi gal aey wey ke muashrey dey amal te hi hamesh kisay wi bundey da radeamal zahir honda aey. Aseen kisey wi kaley bandey nu ilzam nahi de sakdey.

Email: fouziahanif786@gmail.com
.
.

Advertisement